Një ditë pasi Emiratet e Bashkuara u kthyen në shtetin e parë arab që dërgon një sondë hapësinorë ne Mars, në orbitën e planetit të kuq ka hyrë me sukses dhe anija kozmike e Kinës, Tianwen-1. Pekini synon që përmes saj në vendos një sondë robotike në sipërfaqen e Marsit. Agjensia shtetërore e lajmeve, Xinhua njoftoi se misioni I nisur shtatë muaj më parë, përfundoi me sukses. Kjo është hera e parë që Kina dërgon një anije hapësinore në Mars. Sonda kineze pritet të ndahet nga anija kozmike më vonë këtë vit dhe më pas do të provojë të lëshohet në këtë planet përmes një parashute. Ajo pritet të zhvillojë atjë një aktivitet për rreth tre muaj, duke mbledhur të dhëna për ujin nëntokësor dhe shenjat e mundshme të jetës. Gjashtë misione tjera operojnë rreth tij: tre të SHBA-së, dy evropiane dhe një indiane. Vetëm Shtetet e Bashkuara e kanë prekur me sukses sipërfaqen e Marsit për tetë herë më radhë.