Mënyra e vetme për përfundimin e luftës së rusisë në Ukrainë, është vdekja e presidentit rus Vladimir Putin. Këtë mendim ka Kyrylo Budanov, shefi i inteligjencës në ushtrinë ukrainase. “Lënia e tij të tërhiqet është një nga strategjitë, por kjo është thuajse jo realiste”, tha Budanov kur u pyet nëse Putini mund ta përfundonte këtë luftë, i gjallë. “Ai është një kriminel lufte në sytë e të gjithë botës. Ky është fundi i tij, ai e futi veten në këtë udhë pa krye”. Mos u shqetësoni, ukraina do të fitojë – tha budanov... Pasi Putini të jetë asgjësuar, pa dhënë ndonjë detaj se si puc apo një vrasje mund të ndodhë, e ardhmja e rusisë mund të shkojë në dy drejtime. Ajo mund të ndahet në shumë pjesë, ose integriteti territorial i saj mund të ruhet me ndryshimin e lidershipit të vendit – thotë Budanov. Më herët, edhe vetë presidenti amerikan Joe Biden, ka sugjeruar se Putin duhet të rrëzohet nga pushteti. “Për hir të zotit, ky njeri nuk mund të qëndrojë më shumë në pushtet”, tha Biden gjatë një fjalimi në Varshavë të Polonisë, në mars. Komentet nga shefi i inteligjencës në ushtrinë ukrainase, sidoqoftë, vijnë para 9 majit, ditës së fitores, kur rusia shënon triumfin e bashkimit sovjetik mbi gtjermaninë naziste. E shumë analistë ushtarakë kanë paralajmëruar se kjo datë mund të jetë kyce në përshkallëzimin e luftës së rusisë në Ukrainë.