Gustavo Petro, presidenti i parë në historinë e Kolumbisë që i përket të majtës, u betua para qindra mijëra njerëzve në kryeqytetin e Bogotas dhe u bëri thirrje grupeve të armatosura që të zgjedhin paqen në mënyrë që "lufta kundër drogës" të përfundojë. I qartë në qëndrimin e tij, se qeveria e ka humbur luftën e saj kundër krimit, presidenti premtoi se do të punojë për cmontimin e karteleve te drogës dhe kërkoi ndihmën dhe bashkëpunimin e SHBA-ve. Bandat e fuqishme të trafikut të drogës si Clan del Golfo, kontrollojnë pjesë të ndryshme të vendit ku ushtria kolumbiane e ka pothuasje të pamundur të hyjë duke vështirësuar më tej arrestimin e figurave kyce te karteleve kriminale.