Policia e Fierit ka nisur procedimin penal ndaj një 52 vjeçari, banues në fshatin Zharrëz të Fierit, nën dyshimet se ka mbajtur në banesë në kundërshtim me rregullat ligjore një luan. Procedimi në gjendje të lirë nga 52 vjeçarit me inicialet A.H. nisi pasi bërjes virale në internet të një videoje, ku tregohen dy persona dhe një luan. Pamjet tregojnë edhe një incident, ku luani kafshon nga qafa njërin prej dy personave, ndërsa tjetri e largon duke e goditur në fytyrë. Policia thotë se pas identifikimit të pronarit të luanit, është konsultuar me prokurorinë, ku është vendosur procedimi për veprën penale shkelje e karantinës së kafshëve. Ndërkohë, vetë personi nën hetim ka deklaruar se Luanin e ka gjetur në rrugë në Lushnje 6 muaj më parë, kur ishte ende e vogël. Ai thotë në dëshmi se e ka mbajtur në banesën e tij për disa kohë dhe se 1 muaj e gjysmë më parë kafsha ka ngordhur.