Lista e vrasjeve që tronditi Durrësin dhe Elbasanin pas masakrës së Bradasheshit, të dhjetorit të vitit 2018 mori udhë nga një takim treorësh mes Nuredin Dumanit dhe Erion Alibejt. Nuredin Dumani, vrasësi me pagesë i shndërruar në një të penduar të drejtësisë ka vijuar me dëshmitë para gjykatës së posaçme në seancën e kësaj të marte. Ai ka rrëfyer se si është njohur me Erion Alibejn, ndërmjetësin e lidhjes së tyre dhe se si për tre orë hartuan një listë me emra që Alibej dyshonte se kishin marrë pjesë në ekzekutimin e vëllait të tij, Endrit Alibej në Bradashesh. I penduari tha se ndërmjetësi i njohjes me Alibejn, i cili nodhet në burg, ka qenë Eljo Bitri, për të cilin, Dumani thotë se e ka njohur në vitin 2013 dhe ka pasur marrëdhënie shoqërore me të. Bitri e ka vënë në dijeni Dumanin se Alibej interesohej për të, pasi dyshonte se i vëllai i tij, Dashnor Dumani, kishte marrë pjesë në atentatin ndaj Endrit Alibejt.