Pas këkesës së Prokurorisë së Tiranës, gjykata ka liruar këtë të dielë nga burgu Fatos Alimadhin, vëllai i ish-deputetit Adriatik Alimadhi. Ai u arrestua pas kallëzimit të një qytetareje për bllokim të llogarisë bankare padrejtësish dhe akuzohet se ka shpërdoruar detyrën me firmën e tij të përmbarimit privat. Gjykata kërkoi që prokuroria të hetojë rreth skemës së përmbaruesit si dhe të verifikohet kallëzimi i qytetares në fjalë. Sipas dosjes së prokurorisë, kredia është marrë në një bankë të nivelit të dytë dhe më pas është shitur tek një tjetër institucion financiar mikro kredie. Rezulton se kredia është marrë 10 vite më parë dhe kredia e marrë duhej shlyer me siguracionin e jetës.