Davide Pecorelli u lirua nga qelia këtë të enjte. Gjykata e Apelit e dënoi atë me 14 muaj e 10 ditë burg, dënim i cili zbriti në 9 muaj për shkak të gjykimit me procedurë te shkurtuar. Por duke qenë se italian e ka kryer masën e dënimit për shkak te qëndrimit në paraburgim, Apeli urdhëroi lirimin r tij nga qelia duke qenë se nuk mbahet për ndonjë vepër tjetër penale. Pecorreli u shpall fajtor për kryerjen e veprës penale “Shkëtërim i pronës me zjarr”, dhunim i varreve, dhe kalim i paligjshëm i kufirit shtetëror. Ndërsa u rrëzua vepra penale e Mashtrimit. Gjykata e Shkodrës e dënoi me 4 vite burg Davide Pecorellin më 3 prill të këtij viti, pasi inskenoi vdekjen e tij në Shqipëri në janar të vitit 2021. Por Apeli vendosi të rrëzjë akuzën e mashtrimit. Prokuroria e Pukës në tetor të vitit 2022 mbylli hetimet dhe e akuzoi Pecorellin për 5 vepra panele, ndërsa kërkoi 8 vite burg, por gjykata e shkallë së parë dha vetëm 4. Pecorelli u zhduk në zonën e Pukës në janar të vitit 2021, ndërsa makina e marë me qera u gjet e djegur ndësa brenda së cilës pati dhe mbetje skeletore. Ende nuk dihet arsyeja, por për disa kohë Pecorelli u strehua në Vlorë e më pas u gjet në Itali. Pasi u gjet ai tregoi për mediat se ishte duke kërkuar një thesar.