Pavarësisht një lloj hovi të ri në dialogun dypalësh, marrëdhëniet mes moskës dhe Uashingtonit janë përtokë – tha Kremlini për agjencinë ruse të lajmeve Ria në mesin e kundërshtive të perëndimit për stërvitjet e mëdha ushtarake ruse afër kufijve të Ukrainës. SHBA tha të dielën se rusia mund të pushtonte Ukrainën në cdo kohë dhe mund të krijonte një pretekst surprizë për një sulm ndërsa ripërsëritri premtimin për të mbrojtur cdo centimetër të territorit të NATO-s. Rusia ka më shumë se 100 mijë trupa të mbledhura afër Ukrainës dhe ka mohuar në vazhdimësi akuzat se po planifikon të pushtojë fqinjin e saj e madje ka akuzuar perëndimin për histeri. Zëdhënësi i Kremlinit, Dmitry Peskov tha se ka disa kanale të hapura për dialog e një prej tyre është edhe bisedat telefonike mes Putinit dhe Bidenit, por se lidhjet në fusha të tjera janë të ndërprera. Shefat e shteteve janë në dialog, ka dialog edhe në fronte të tjera – citon RIA Peskov. “Ky është një plus sepse ju e dini se disa vite më parë nuk kishte fare dialog. Por për pjesën tjetër, fatkeqësisht, marrëdhëniet dypalësha janë në nivele shumë shumë të ulëta, janë përtokë.