Prej ditësh në korridoret e Partisë Demokratike nuk ka qetësi. Liderët e partive që janë radhitur në krah të saj kanë zhvilluar negociata për listat dhe vulosur bashkëpunimin për zgjedhjet e 25 prillit. Por vetë Basha ka firmosur një lëvizje të papritur, duke rikthyer si emër të koalicionit atë të vitit 2005 që quhej “Aleanca për ndryshim”, koalicion që kryesohet nga Partia Demokratike. Deri më tani, sipas një dokumenti të siguruar nga gazeta Shqip, por që nuk është final ky koalicion ka në pëbërje të tij 14 parti politike. Fillimisht u mendua se emri i koalicionit do të ishte “Koha për Ndryshim”, por ajo ka ndryshuar siç duket gjatë negociatave me aleatë.