Katër vite më parë, raketa më e fuqishme operacionale në botë, Space X Falcon Heavy, u nis nga Florida drejt hapësirës së largët, duke mbajtur në bord asgjë më shumë se sa makinën personale Tesla të Elon Musk. Makina sportive me ngjyrë të kuqe, në të cilën u vendos një manekin i veshur me kostum hapësinor të kuq i quajtur Starman, është diku atje lart, në qiell, duke u rrotulluar e vetme përreth diellit, duke udhëtuar deri pranë orbitës së marsit dhe në një moment tjetër, duke iu afruar orbitës së tokës. Makina nuk është në një mision shkencor dhe ai ishte vetëm një lancim testues, pasi Space X i nevojitej një ngarkesë e cfarëdoshme, dhe Musk kishte thënë edhe më herët që donte të bënte gjënë më qesharake të mundshme. Ndaj ai zgjodhi vetë teslën e tij luksoze. Dhe këtë të martë, Tesla e Musk, ndodhej 376 milionë kilometra larg tokës dhe rreth 320 milionë km larg marsit, duke kaluar përmes një zone që nuk i përket askujt në hapësirën e jashtme. Sipas ëebsite-it ëhereisroadster.com, që përdor të dhënat e NASA-s për të gjurmuar makinën, ajo është ende në gjendje të mirë, por është goditur sidoqoftë nga disa meteorë gjatë udhëtimit të saj nëpër kozmos. Makina ka udhëtuar afro 3 miliardë e 200 milionë km nëpër hapësirë dhe është rrotulluar 2.6 herë rreth diellit.