Grupi famëkeq Ëagner, i drejtuar nga një prej bashkëpunëtorëve më të ngushtë të presidentit Vladimir Putin, po tërheq me dhjetëra mercenarë nga afrika për ti dërguar në evropën lindore, ku forcat ruse po kërcënojnë Ukrainën. Daily Beast, citon dy zyrtarë të lartë ushtarakë në republikën e afrikës qendrore, që thonë se një numër i paprecedentë i mercenarëve të Vagnerit janë larguar nga vendi drejt evropës lindore në janar dhe akoma më shumë të tjerë po përgatiten të largohen, javët e ardhshme. “Zakonisht, kur ne dëgjohmë se disa janë larguar, zbulojmë se janë vetëm një grusht prej tyre, ndonjëherë pesë apo gjashtë në muaj”, thotë një oficer që punon në shtabin qendror të ushtrisë së republikës së afrikës qendrore. “Është hera e parë kjo që ne dëgjojmë që dhjetëra prej tyre largohen në një muaj”, shton ai. Një tjetër burim thotë se ka parë me sytë e tij një eksod të papritur të mercenarëve që nisen direkt për në Ukrainë. E e gjithë kjo vjen në një kohë kur autoritetet ukrainase kanë thënë se rusia po mbështet me armë, municione dhe pajisje ushtarake rajonet separatiste në lindje të Ukrainës, ndërsa rekruton në mënyrë aktive mercenarë për të luftuar në konfliktin që vazhdon prej vitesh. Javën e kaluar, zbulimi ushtarak i Kievit tha se Moska po ndërmerrte një fushatë aktive të rekrutimit të mercenarëve, që po dërgohen në rajonet e kontrolluara nga separatistët. Shumëkush e ka quajtur grupin Vagner, ushtrinë private të Putinit dhe ajo shpesh dërgohet nën maskim në rajone ku Rusia mohon të ketë prani ushtarake zyrtare.