Duhet të presim edhe një javë deri sa kompania më e re ajrore në botë të nisë punën. Nga 15 tetori, ITA, Italia Transporto aereo, do të jetë kompania e re shtetërore e Italisë, pas mbylljes së Alitalias të falimentuar më 14 tetor. Alitalia ishte zhytur prej vitesh në telashe, dhe kohët e fundit ka patur edhe një debat nëse ITA ishte një kompani e ndarë aq sa të mos mbartte borxhet e alitalias apo jo. Por në shtator, BE doli në përfundimin se ITA dhe Alitalia janë kompani të ndara, cka do të thotë një fillim i ri dhe i mbarë për ITA-n. Italia Transporto Aereo është tërësisht në pronësinë e ministrisë italiane të ekonomisë dhe financave. Qëllimi, është që të krijohet një kompani ajrore efikase, inovative dhe konkuruese. Është thënë ndërkohë se ITA do të ofrojë pjesën më të madhe, nëse jo të gjitha, të atyre cka ofronte alitalia. Kjo e fundit ka shërbyer në 94 destinacione, 26 prej të cilëve ishin në Itali. Sidoqoftë, nga faqja e saj e uebsajtit, ITA do të nisë pak më ngadalë. E ndër trajektoret e saj është edhe linja me shqipërinë.