Gjykata e Tiranës ka regjistruar ndryshimet statutore të Kuvendit Kombëtar të 17 korrikut 2021, të thërritur nga kryetari i Partisë Demokratike Lulzim Basha. Në gjykatë, u dërguan edhe ndryshimet statutore të miratuara nga Komisioni i Rithemelimit të PD-së, të kryesuar nga Sali Berisha, por nuk u morën parasysh. Gjykata e Tiranës ka theksuar se ky vendim është vendimtar dhe do të mbetet në fuqi. Indrit Sefa, sekretari i Çështjeve ligjore në Partinë Demokratike, në një prononcim për mediat u shpreh se Lulzim Basha është kryetari zyrtar i PD. Kujtojmë se Kuvendi Kombëtar i 17 korrikut I thirrur nga Basha u mbajt me qëllim për të analizuar masakrën zgjedhore të 25 Prillit 2021 dhe për të përcaktaur strategjinë politike të Partisë Demokratike, në rolin dhe përgjegjësinë e saj në mbrojtjen e demokracisë, të drejtave themelore të njeriut dhe rikthimit të legjitimitetit të institucioneve demokratike.