Gjykata Kushtetuese njofton se është shtyrë seanca lidhur me kompetencat e presidentit për dekretimin e ministrave, ku përballë do të jenë kryeministri Edi Rama dhe presidenti Ilir Meta. Seanca e planifikuar të mbahej më 25 mars është shtyrë për një datë tjetër, ende e papërcaktuar. Kwtw tw martw Gjykata Kushtetuese kishte seancë për testin e poligrafit, por njëri nga anëtarët u prek nga COVID. Në këtë situatë seanca u shty pasi njëri nga anëtarët e gjykatës është me Covid-19. Nga shtatë, mbeten 6 anëtarë dhe numri nuk është i plotë për të zhvilluar seancën. Sjellim në vëmendje që përballja mes kryeministrit dhe presidentit në Kushtetuese vjen pas padisë së depozituar nga Rama pas përplasjes me Metën për mosdekretimin e ish-ministrit të Jashtëm në detyrë, Gent Cakaj. Presidenti Meta asokohe refuzoi të dekretojë Cakajn, i cili mbajti postin e ushtruesit të detyrës, ndërsa ministër i Jashtëm me dekret ishte kryeministri Rama. Në njoftimin zyrtar bëhet theksohet se në lidhje me datën dhe orën e seancës plenare, do të ndiqen rregullat përkatëse të njoftimit të palëve dhe të publikimit të saj.