Austria ka publikuar një listë të detajuar të profesioneve që parashikohet të ketë mungesë për vitin 2022, duke u bërë thirrje punëtorëve të kualifikuar nga Europa Lindore të aplikojnë për vizë pune. Në këtë listë renditen 66 profesione dhe nevoja e fuqisë punëtore është përcaktuar në mënyrë të detajuar pët provinca të caktuara. Dekreti për fuqinë punëtore profesionale është publikuar bazuar në Ligjin për punësimin e të huajve në të gjithë Austrinë. Sipas listës së publikuar, disa prej profesioneve për të cilat ekziston një kërkesë e madhe janë infermierët e diplomuara/teknikët, kuzhinierët, automekanikët, xhamaprerësit, muratorët, punonjës që merren me rregullimin e cative të shtëpive, elektrecistë, inxhinierë të energjetikës. Po ashtu në profesionet në mungesë janë inxhinierët e teknologjisë informative, mjekë, zdrukthëtarë, ujësjellës, e kasapë.