Ka kaluar shumë kohë që kur aktori me famë botërore Leonardo DiCaprio ka surprizuar të gjithë shqiptarët teksa i ishte bashkuar fushatës për mbrojtjen e lumit Vjosa. DiCaprio me fanatizëm u përpoq të rikonfiromonte vlerat që mbart në vetëvete Vjosa, përmes promovimit, pavarësisht tentativave të vazhdushme për të shkatërruar lumin. Ai vuri në plan të parë natyrën duke hedhur poshtë të gjithë përfitimet ekonomike që do të sillte ndërtimi i hidrocentraleve në atë zonë. Sipas DiCaprios ndërhyrjet në lumë do të jenë një mallkim për këtë bukuri të veçantë. DiCaprio nuk ka nguruar të nxisë njerëzit duke u bërë thirrje për t’iu bashkuar peticionit qëzunon të mbrojë të ardhmen e lumit. Ai ka bërë një tjetër postim në rrjetet sociale dhe vërtetoi se nuk e ka harruar Shqipërinë dhe aq më tepër lumin Vjosë. “Lumi Vjosa i Shqipërisë është lumi më i madh dhe ‘më i egër’ në Evropë. Nga malet e Greqisë deri në Detin Adriatik në Shqipëri, ai shtrihet në 300 kilometra, plotësisht i lirë nga barrierat artificiale, si dhe digat e hidrocentraleve. Lumenjtë dhe përrenjtë që janë degë të Vjosës janë shtëpia e më shumë se 1,100 specieve të botës së egër, shumë prej të cilave janë të kërcënuara. Vjosa është kurora blu e Evropes dhe njerëzit në të gjithë Shqipërinë duan ta mbrojnë atë. Ata po i kërkojnë qeverisë së Shqipërisë për të krijuar parkun nacional , i cili do të ishte parku i parë i lumit ‘të egër’ në Evropë. Bashkoheni me ta dhe nënshkruani peticionin,” shkruan DiCaprio në postimin e tij sensibilizues.