Qytetarët që duan të hyjnë në territorin e Kosovës gjatë festave të fundvitit, përmes pikave kufitare, duhet të paraqesin testin negativ për koronavirus ose kanë çertifikatë të vaksinimit. Përmes një postimi në faqen zyrtare, Qendra Kombëtare për Menaxhimin Kufitar ua ka rikujtuar udhëtarëve se dëshmia e vaksinimit do të kërkohet nga Policia. Në rast se udhëtarët nuk kanë certifikatë vaksinimi dhe as test, do t’u kërkohet karantinim për një periudhë shtatë ditore.