Festat e zbulimit të gjinisë së fëmijës nga prindërit, janë bërë shumë të përhapura kohët e fundit, dhe mënyrat që prindërit gjejnë për ti realizuar po kalojnë cdo kufi. Gëzimin që duhet të përcjellë kjo festë, nuk e ka bërë për një famijle në Karaibe, dita e të cilëve ka përfunduar në tragjedi. Cifti kishte zgjedhur që një avion i vogël të performonte në qiell dhe do të njoftonte gjininë e bebes. Pasi zbuluan që ishte vajzë, një marifet i gabuar i pilotit mjaftoi që avioni të humbiste drejtimin dhe të përfundonte duke u përplasur në ujë. Sipas mediave lokale në bordin e avionit të tipit Cessna, ndodheshin dy persona, ndërsa raportohet se marina erdhi në ndihmë për nxjerrjen e trupave. Thuhet se të dy u nxorrën të gjallë, por vdiqën disa orë më vonë. Agjencia Federale e Aviacionit Civil ka filluar një hetim se çfarë e shkaktoi rrëzimin e avionit. Incidente të njëpasnjëshme janë shtuar vitet e fundit në të gjithë botën, nga njerëz që ndërmarrin lojëra të tilla ekstreme për ti postuar më pas në rrjete sociale.