Një shqiptar I dënuar për drogë ka dështuar për herë të tretë që të futet dhe të qëndrojë në Angli. Autoritet e kishin dëbuar dy here të tjera, por ai nuk ka nguruar që të provojë sërish që të kalojë kanalin dhe të zhvendoset në ishull. Kur është ndaluar nga policia herën e fundit, shqiptari ka thënë se kishte të drejtën të rrinte në Britaninë e Madhe për shkak se kishte një fëmijë në Angli. 30-vjeçari Blerim Ismalaj u dëbua për herë të parë nga Britania e Madhe në janar të vitit 2013. Por shqiptari I kthye sërish në Mbretërinë e Bashkuar dhe gjatë qëndrimit të tij të fundit në vitin 2019, ai pati një fëmijë me partneren e tij britanike, transmeton Daily Mail. Ismalaj përdori rrethanat e tij për të argumentuar rastin sipas Aktit të të Drejtave të Njeriut, duke këmbëngulur se jeta e tre vjeçarit të tij do të ndikohej negativisht nëse ai do të detyrohej të largohej përsëri nga Mbretëria e Bashkuar. Por një gjyqtar i lartë i emigracionit ka lënë në fuqi tashmë vendimin për deportimin e tij.