Blerës të dëshpëruar për të siguruar një kondicioner përpara valës së të nxehtit që pritet të kthehet në Francë, janë filmuar duke u përleshur me njëri tjetrin para dyqaneve. Turma të mëdha klientësh të Lidl-it u grumbulluan para supermarketit dhe hapën me forcë dyert më herët. Lidl premtoi të rimbushte raftet me 200,000 ventilatorë dhe kondicionerë të enjten, ndërsa Evropa po përgatitet për më shumë nxehtësi këtë fundjavë. Por pamjet tronditëse brenda dyqaneve treguan përleshje ndërsa klientët përpiqeshin të merrnin një pajisje ftohëse. Disa kishin qendruar në radhë jashtë për orë të tëra në pritje për të vrapuar drejt rafteve. Blerësit u filmuan gjithashtu duke hyrë me vrap nga dera e përparme përpara se të zbraznin raftet në pak sekonda. Policia thuhet se u detyrua të ndërhynte gjatë përleshjeve, ndërsa Franca përgatitet për temperatura deri në 37 gradë Celsius. Premtimet për rafte të mbushura dukeshin të pabesueshme pasi shumë dyqane kishin mungesë stoku. Në një supermarket në Saint-Germain-en-Laye, kondicionerët u u zhdukën nga raftet në pak çaste. E gjithë Evropa po përgatitet për një valë të dytë të nxehtësisë, ndërsa paralajmërimet e kuqe të motit përhapen në të gjithë kontinentin. Kjo vjen vetëm disa ditë pasi temperaturat e larta shkaktuan qindra vdekje. Për Evropën Perëndimore, ku kushtet e nxehtësisë janë zbutur disi, temperaturat pritet të rriten përsëri javën tjetër. Paralajmërimet e kuqe të nxehtësisë janë tani në fuqi në 25 nga 27 qytete në Itali, nga Bolzano në veri deri në Palermo në ishullin e Siçilisë në jug. Paralajmërimi ekstrem i motit ka përfshirë edhe Kroacinë, me alarme që mbulojnë kryeqytetin Zagreb dhe vendet e nxehta turistike Dubrovnik dhe Split. Në Serbinë fqinje temperaturat mund të rriten deri në 39 gradë Celsius ndërsa ishujt kanarie në spanjë janë përgatitur për përvëlim. Edhe Britania e madhe është në ankth para një vale të dytë të nxehti që po vjen, me temperatura që do të arrijnë në mbi 33 gradë Celsius.