Detaje të reja janë bërë me dije nga policia lidhur me atentatin me armë zjarri të datës 3 janar në Shkodër, ku Vincens Piroli 34 vjec mbeti i palgosur me dy plumba. Ky i fundit menjëherë pas atentatit u transportua në spital për shkak të plagëve të marra në bark dhe shpatull. Policia bëri të mundur arrestimin e tij me qëllim ekstradimin drejt Malit të Zi, pasi ai ishte i shapllur në kërkim për një vrasje të kryer atje. Këtë të mërkurë, policia ka vënë në pranga Marjan Markun, kushëririn e Pirolit. Ky i fundit shoqëroi Pirolin në spital dhe u largua që aty me shpejtësi. Marku dhe Piroli akuzohen për moskallëzim krimi dhe pengim të së vërtetës. Grupi hetimor, nën drejtimin e Prokurorisë së Rrethit Gjyqësor Shkodër, po punon për identifikimin dhe kapjen e autorëve të kësaj ngjarjeje dhe zbardhjen e rrethanave të saj. Ngjarja ndodhi më 3 janar. Atenati ndaj tij mendohet të jetë ngritur për hakmarrje. Piroli ishte i shpallur në kërkim ndërkombëtar për një vrasje të kryer në Malin e Zi, ngjarje e ndodhur në muajin korrik të vitit që lam pas. Piroli së bashku me shtetasin Dorjan Lala akuzohen se kanë vrarë malazezin Momçillo Gjurishic.