Qëndrimet e Shqipërisë në raport me luftën e Rusisë në Ukrainë nuk janë konsideruar miqësore, shpesh duke e vënë vendin tonë në shënjestër ‘të kuqe’. Arrestimi i shtetasve ruse, të cilët dhunuan ushtarët shqiptarë në uzinën e Gramshit dhe shoqërimi i turistëve çekë në uzinën e Policanit, të cilët u kapën duke fotografuar këtë ambient ishin dhe janë dy nga ngjarjet më të diskutuara javën e fundit. Lidhur me këtë ngjarje, së fundmi ka folur edhe ish ministri i brendshëm Sandër Lleshaj, i cili në një intervistë për shtypin e shkruar u shpreh se e konsideron shumë serioze veprimtarinë e shërbimeve sekrete në vendin tonë. Lleshaj tha se gjëja për të cilët duhet të shqetësohen autoritetet e hetimit është për mosarrestimin e turistëve qe në vetvete kanë një qëllim të tillë, pra spiunazhin, dhe jo të shqetësohen për turistët që kanë arrestuar.