Kryeministri kanadez Justin Trudeau tha se temë parësore në bisedimet e tij me Mbretin Charles do të jetë mbrojtja e sovranitetit të vendit të tij pasi presidenti amerikan Donald Trump sugjeroi së fundmi bërjen e Kanadasë shtetin e 51-të të SHBA-së. “Asgjë nuk është më e rëndësishme për qytetarët e tij sesa të ngrihemi për sovranitetin dhe pavarësinë tonë", tha Trudeau para takimit me Mbretin Charles, i cili është kreu i shtetit të Kanadasë. Javën e kaluar, Charles e ftoi Trumpin në atë që do të ishte një vizitë e dytë shtetërore, historike, në Britani, me kryeministrin Keir Starmer që dorëzoi ftesën gjatë një takimi para mediave botërore në Zyrën Ovale. "Mezi pres që të ulem dhe të bisedoj me Madhërinë e Tij, si gjithmonë do të diskutojmë çështje me rëndësi për Kanadanë dhe kanadezët, dhe mund t'ju them se asgjë nuk duket më e rëndësishme për kanadezët sesa të mbrojmë sovranitetin dhe pavarësinë tonë si komb," u tha Trudeau gazetarëve.