Në fund të marsit, disa dëshmitarë i thanë agjensisë së lajmeve Reuters se emigrantët po dëbohen në thellësi të Meksikës, larg vendit ku janë kapur duke kaluar kufirin amerikan. Një praktikë e tillë la të kuptohej se Presidenti Joe Biden po e ashpërson qasjen e tij ndaj krizës humanitare në rritje në kufirin mes Shteteve të Bashkuara dhe Meksikës, pas dështimit të thirrjeve të administratës së tij ndaj emigrantëve të Amerikës Qëndore që po përpiqen të hyjnë në Shtetet e Bashkuara. Së fundi, mediat e huaja raportojnë një episod tronditës. Ato thone se trafikantët meksikanë janë kapur në kamera duke hedhur dy të mitur nga muri 4 m që ndan vendin nga SHBA-ja. Bëhet fjalë për dy vajza nga Ekuadori të moshës 3 dhe 5 vjeçe, të cilatr janë lëshuar nga muri në Cristo Rey, pranë El Pasos. CBP tha se dy motrat e mitura ishin keqtrajtuar dhe braktisur nga trafikantët. Agjentët kufitarë kanë arritur ti shpëtojnë vajzat dhe i kanë dërguar për kontroll mjekësor. Mësohet se në muajin mars, 16,000 fëmijë e kanë kaluar kufirin SHBA-Meksikë.