Në një kohë që Kombet e Bashkuara, kanë deklaruar se më shumë se 500 mijë refugjatë janë larguar nga Ukraina në vendet fqinje, dhe më shumë se gjysma e tyre ndodhen në Poloni, Komisioni Europian po përgatitet të përballojë një nga krizat më të mëdha humanitare të Evropës, me shtatë milionë ukrainas që pritet të zhvendosen dhe 18 milionë që do të preken nga konflikti. Komisionerja Evropiane për Çështjet e Brendshme, u shpreh se ekzekutivi është gati të sjellë në fuqi, një direktivë të vjetër të Bashkimit Europian, të quajtur Direktiva e Mbrojtjes së Përkohshme, e cila mund të sigurojë një zgjidhje për të menaxhimin e fluksit të refugjatëve.