Për 23 vite ka mundur t’i shpëtojë policisë, pas një krimi të rëndë të ndodhur në qendër të qytetit të vlorës. Vrasja e dyfishtë e ndodhur në vitin 1998 në Vlorë është zbardhur nga policia e qytetit bregdetar. Pas punës hetimore të kryer në vite është identifikuar autori i vrasjes së dy shtetasve Beqir dhe Elmaz Hasho, vrasje e ndodhur në lagjen ‘Pavarësia” në nëntor të vitit 1998. Sipas burimeve të policisë mësohet se autori i kësaj ngjarjeje të rëndë është 47 vjeçari Gerti Selimaj, banues në vlorë. Ndaj tij Gjykata e Vlorës kishte caktuar masën e sigurimit “Arrest në burg”, për veprat penale “Vrasja me paramendim” dhe “Prodhimi dhe mbajtja pa leje e armëve luftarake dhe e municionit”. Ndaj tij tashmë pritet të fillojë edhe procesi gjyqësorë në bazë të provave të grumbulluara në dosjen hetimore që disponono prokuroria.