Rusia ka tani ushtrinë më moderne dhe më vrastare në botë, e kjo ndodh në mesin e tensioneve në rritje me armiqtë e vjetër të saj brenda NATO-s. Ministri i mbrojtjes, Sergei Shoigu, tha se pjesë e arsenalit të rusisë është tani shumë larg nga ditët kur Kremlini vendoste ‘kanace’ në parada. Shoigu tha se rusia ka tani nivelin më të lartë të armatimeve moderne krahasuar me cdo ushtri në botë. Ai foli ndërsa ushtria e Vladimir Putinit pretendoi se kishte patur dy përplasje të reja me avionët ushtarakë amerikanë 24 orët e fundit. Në incidentin e parë, një Mig 31 dhe avionë Su-35 u dislokuan për të shoqëruar tre bombardues strategjikë amerikanë, B-52H mbi detin Bering. Tre objektivat ajrore, sipas moskës, po i afroheshin hapësirës ajrore ruse në ujëra neutrale. Në rastin e dytë, një Mig-31 u dislokua për të monitoruar një avion spiun amerikan P-8A poseidon,m që po i afrohej gadishullit të Machatkës në lindjen e largët ruse. Më herët pati një incident të ngjashëm në detin e zi, ku një luftanije e marinës mbretërore pati një konfrontim me rojën bregdetare ruse.