Komisioni I Jashtëm në Parlamenti Europian miratoi raporti për Shqipërinë. Me 57 vota pro, 11 kundër dhe 6 asbtenime dokumenti I përgatitur nga raportuesi Andreas Schieder I kaloi Parlamentit për miratim. “Shqipëria mund të quhet me krenari një ‘në krye’ midis kandidatëve për anëtarësim në BE. Por ne nuk jemi ende në vijën e finishit. Është thelbësore të vazhdojmë në këtë rrugë me të njëjtin ritëm dhe përkushtim, duke luftuar korrupsionin dhe duke forcuar sundimin e ligjit.”. tha ai. Përmes raportit eurodeputetët përshëndesin ecurinë e reformave në vend për integrimin në union. Në dokumetin e përgatitur kërkohet përshpejtimi I reformave me qëllim anëtarësimin brenda vitit 2030. Raporti vëren polarizimin e vazhdueshëm politik të karakterizuar nga retorikë konfrontuese dhe bën thirrje për dialog politik më konstruktiv dhe gjithëpërfshirës. Eurodeputetët shprehin shqetësim serioz për ndikimin e huaj keqdashës, veçanërisht nga burime të lidhura me Kremlinin, i cili kërcënon institucionet demokratike të Shqipërisë dhe ambiciet e anëtarësimit në BE. Ata bëjnë thirrje për një qëndrueshmëri më të madhe institucionale ndaj abuzimeve me financimin politik, manipulimit të medias dhe kërcënimeve kibernetike. Ndërkohë mirëpresin Programin e ri prej 922 milionë eurosh për Reformën dhe Rritjen, i dedikuar për Ballkanin Perëndimor, i cili do të mbështesë Axhendën e Reformave të Shqipërisë sapo të përmbushen kushtet. Hapja e zyrës së antenës së Parlamentit Europian në Tiranë shihet si një hap jetësor për të forcuar lidhjet midis BE-së, institucioneve lokale dhe partnerëve të shoqërisë civile nga i gjithë rajoni i Ballkanit Perëndimor. Raporti pasqyron edhe zgjedhjet parlamentare të majit 2025, duke i përshkruar ato si konkurruese, por të zhvilluara në një mjedis shumë të polarizuar, me shqetësime mbi përdorimin e burimeve administrative. Eurodeputetët u bëjnë thirrje partive politike shqiptare të angazhohen për reforma gjithëpërfshirëse zgjedhore në përputhje me rekomandimet e OSBE/ODIHR dhe Komisionit të Venedikut. Progresi i bërë me reformat gjyqësore dhe hetimet për korrupsionin e nivelit të lartë janë të mirëpritura, megjithëse ndërhyrja politike mbetet një sfidë. Eurodeputetët bëjnë thirrje për përpjekje të vazhdueshme për të mbrojtur pavarësinë gjyqësore dhe për të rritur llogaridhënien.