Në 2010, Berdymukhamedov po ashtu urdhëroi ekspertët të gjenin një mënyrë për të ndalur flakët që kanë vazhduar të digjen që kur një operacion shpimi sovjetik shkoi keq në 1971. Por, kjo tentativë dështoi dhe ai tani kërkon që krateri përvëlues të mbyllet sepse ai ndikon negativisht tek ambjenti dhe shëndeti i njerëzve që jetojnë pranë. “Ne po humbasim burime natyrore të vyera nga të cilat do të kishim marrë fitime të mëdha dhe ti përdornim për mirëqënien e njerëzve”, tha ai në një fjalim në televizion. Krateri Darvaza ndodhet në shkretëtirën e Karakumit dhe origjina e tij mbetet një sekret. Vendi i pabesueshëm, i njohur edhe si porta e Ferrit, është një fushë gazi natyral që u shemb në fshatin Darvanza. Edhe pse nuk ka të dhëna se si nisi zjarri atje, teoria më popullore sugjeron se ai është krijuar në 1971, kur turkmenistani ishte ende nën sundimin sovjetik. Sipas teorisë, gjeologët kishin goditur një xhep gazi natyral ndërsa po bënin shpime në kërkim të naftës, që bëri që toka të pësonte kolaps. Besohet se në mënyrë që të ndalohej përhapja e metanit, gjeologët shkaktuan zjarrin i cili vazhdon të digjet pa pushim, që atëherë.