Komsiioni Qëndror i Zgjedhjeve në prani të përfaqësuesve të partive politike, atyre të OSBE dhe përfaqësuesve të ambasadave, ka testuar përdorimin e pajisjeve për identifikimin elektronik të zgjedhësve. Votimi dhe numërimi elektronik do të aplikohen për herë të parë në zgjedhjet parlamentare të 25 prillit. Zona ku do të aplikohet teknologjia në zgjedhje është Tiranë. Ndërkaq në testin e sotëm në bazë të procedurave të përcaktuara, fillimisht kryhet kolaudimi i pajisjes e më pas vulosja e saj. Komisionerët e qendrës së votimit që heqin vulat e mandej nisin përdorimin. Pas ndezjes së pajisjes elektronike vendoset numri i qendrës, ndërsa kryetari dhe sekretari verifikojnë numrin e qendrës dhe të votuesve duke vendosur për hapjen e procesit të votimit. Sipas procedurës hapet pajisja elektronike dhe printohet proces verbali me numrin e votuesve që në filllim është zero. Më pas me paraqitjen e votuesve skanohet karta e secilit dhe del informacioni i votuesit. Pajisja elektronike shfaq foton e votuesit dhe të dhënat. Votuesi vendos shenjën e gishtit e më pas nga pajisja printohet proces verbali që e mban komisioni e më pas votuesi i voton. Nëse një votues paraqitet për herë të dyte për te votuar momentin kur futet karta e identitetit pajisja lëshon një alarm. Në rastet kur karta e identitetit është e dëmtuar dhe nuk e lexon pajisja atëherë numri futet manualisht.