Komisioni Qëndror i Zgjedhjeve iu është drejtuar me një shkresë zyrtare kryeministrit Edi Rama, partive politike në vend dhe përfaqësisë së OSBE-ODIHR, lidhur me fushatën elektorale të zgjedhjeve parlamentare të 25 prillit, që nis zyrtarisht të enjten. Në letrën e saj KQZ u ka bërë apel për vetëpërmbajtje subjekteve politike që marrin pjesë në zgjedhje, ndërsa u kërkon institucioneve publike që të përmbushim detyrimet e tyre duke respektuar Kodin Zgjedhor. “Duke marrë në konsideratë raportet e para të depozituara nga monitoruesit, KQZ i bën apel të gjithë drejtuesve të institucioneve publike të tregojnë vetpërmbajtje dhe të përmbushin detyrimet e tyre sipas Kodit Zgjedhor”, thekson KQZ. Në letrën e KQZ, u kujtohet partive politike se e kanë të ndaluar të përdorin burimet publike në mbështetje të subjekteve zgjedhore duke i paralajmëruar se nëse nuk zbatojnë kërkesat e KQZ, do të përballen me gjoba. “Respektimi i dispozitave të Kodit Zgjedhor dhe standardeve të kërkuara, ndikojnë drejpërdrejtë në standardet e procesit zgjedhjeve që janë kusht krtyesor p[ër ingegrimin e vendit në BE. Kjo tërheqje vëmendje t’ju përcillet edhe organeve tuaja të varësisë”, thuhet në letrën e KQZ-së.