Kosova po mban të dielën zgjedhjet e dyta në nivel kombëtar në kohë pandemie, pas një fushate 30 ditore e cila u dominua nga tensionet në Veri të vendit. Kandidatët për kryetar të komunave të partive të ndryshme kanë shpalosur programet e tyre zgjedhore, por thirrja për të dalë në votime ka qënë e përbashkët. Duke votuar në Prishtinë, Kryeministri Albin Kurti ka premtuar bashkëpunimin me të gjithë kryetarët e rinj komunave në katër vitet e ardhshme, duke theksuar se më e rëndësishmja për qeverinë është rritja e mirëqënies në të gjitha qytetet e Kosovës, Kryeministri po ashtu ka inkurajuar qytetarët që të dalin të votojnë.