Top News- Kosova me dorë të hekurt kundër Covid/Vetëm të vaksinuarit në autobusë, nisin masat e reja

Në Kosovë kanë hyrë ditën e sotme masat e reja kundër COVID-19 për të parandaluar kështu përhapjen e virusit. Njëra nga masat e prezanuara një ditë më parë është edhe ajo që nga e hëna qytetarët duhet të prezantojnë dëshminë për vaksinim për të përdorur transportin publik dhe atë privat. Njësoj do të veprohet edhe me personat që duan të hyjnë në qendra tregtare dhe restorante. Të gjithë ata që hyjnë në Kosovë ndërkohë duhet të posedojnë çetifikatën e vaksinimit të plotë, kur personi është i vaksinuar vetëm me një dozë, krahas saj duhet të kërkohet testi RT-PCR negativ, ose dëshmia se personi e ka kaluar COVID-19.