Gjykata e Posacme antikorrupsion vendosi masën e sigurisë ‘arrest me burg’ për punonjësen e policisë Arta Nazifi me detyrë Specialiste në Sektorin Kundër Krimit Ekonomik e Financiar, në Drejtorinë Vendore të Policisë Tiranë. Vendimi i gjykatës erdhi pasi 47 vjecarja dyshohet se ka kryer veprën penale “Korrupsioni pasiv i gjyqtarëve, prokurorëve dhe funksionarëve të tjerë të organeve të drejtësisë”. Hetimet treguan se Nazifi ka kërkuar dhe ka marrë një shumë monetare në formë ryshfeti, kundrejt premtimit të lehtësimit të pozitave penale të personave që hetonte.