Nga Korça, kryeministri Edi Rama u ndal tek projekti për ndërtimin e qendrës së parë të skive në vendin tonë, të cilën e konsideron një investim që do e vendosë Shqipërinë në hartën europiane të turizmit të skive dhe do të sjellë një hov në zhvillimin ekonomik të qarkut të korçës. Rama: “Këtë dimër, si asnjë dimër, 166 e kusur bujtina, njëra më e bukur se tjetra. Plot e përplot çdo fundjavë, rreth gjysmë milioni vizitorë e turistë që kalojnë të paktën 1 natë në Parisin e Vogël gjatë vitit. 1 dekadë më parë mezi i kalon 50 mijë në vit dhe nuk kishte këmbë të huaji, ndërkohë që bujtinat numëroheshin me gishta e mezi mbanin veten. Por tani ka ardhur radha e qendrës së parë turistike të skive në Shqipëri, një projekt që do ta fusë Korçën në hartën europiane të turizmit të skive dhe do të ndezë një motor të ri në ekonominë e gjithë këtij qarku”