Një emigrant shqiptar i paligjshëm është kapur sërish duke punuar si “kopshtar” në një fabrikë kanabisi, pasi fillimisht ishte deportuar nga Britania për të njëjtin krim. Flogert Farruku u dergua mbrapsht në Shqipëri në vitin 2015 pasi u burgos për shkak të përfshirjes në një plantacion kanabisi në kryeqendren e Wellsit, Cardiff, thonë mediat britanike. Por kur policia bastisi një shtëpi në Swansea Valley, u befasua kur e gjeti shqiptarin aty, duke u marrë sërish me akvititetin e tij të vjetër. Farruku ishte rikthyer sërish në Angli dhe tashmë pritet të depërtohet edhe një herë tjetër sapo të kryejë dënimin me burg. Në banesën ku qëndronte 34 vjecari, tre dhoma gjumi përdoreshin për të rritur kanabis. Atje kishte llampa dhe sisteme të posacme ajrimi. Efektivët gjetën 71 bimë të pjekura dhe sipas ekspertëve vlera e saj në treg mund të arrinte deri në 60 mijë Paund. Shqiptari u justifikua duke thënë se ishte thjesht “kopshtar” pasi i detyrohej para një bande shqiptare.