Një konflikt mes disa personave ka përfunduar me plagosjen me thikë të një 29-vjeçari në Gjirokastër. I plagosuri mësohet se është Lorenc Dida 29 vjeç nga Gjirokastra. Ngjarja është regjistruar rreth ores 12:00 të kësaj të diele, teksa konflikti midis disa personave ka degraduar në plagosjen e 29-vjeçarit. Burime bëjnë me dije se 29-vjeçari I plagosur është konfliktuar me dy persona, njëri prej të cilëve me inicialet P.K, I cili është shpallur në kërkim. Këto pohime vijnë sipas dëshmitarëve në vendngjarje pasi i lënduari nuk ka qenë në gjendje të japë dëshmi. Ai është dërguar me urgjence në spital në gjendje kritike për jetën. Sipas mjekëve i riu është plagosur në krah dhe këmbë. Policia ka mbërrituur menjëherë në vendin e ngjarjes dhe po punon për zbardhjen e plotë të rrethanave dhe shkaqeve që çuan në këtë plagosje, si dhe dokumentimin e plotë të saj. Ndërkohë paralelish po punohet për kapjen e autorëve, teksa ende nuk dihet sesi ka rrjedhur ngarja.