Që prej 25 dhjetorit kanë nisur efektin e tyre dispozitat e reja te Kodit Zgjedhor, te cilat parashikojne ndalimin e veprimtarive publike dhe perdorimit te burimeve shteterore ne periudhen 4 mujore perpara zgjedhjeve per Kuvend. Madje, për këtë janë angazhuar disa institucione të pavarura per monitorimin e funksionimit te ketyre kufizimeve dhe ofruar mbeshtetje per te gjithe aktoret institucionale subjekt i ligjit. Në shkelje të Kodit Zgjedhor janë miratuar akte dhe vendime, të cilat sjellin përfitime apo masa lehtësuese për periudhën katër mujore para zgjedhjeve. Mes tyre janë 3 Vendime të Këshillit të Ministrave; 1 akt normativ; 5 akte ligjore si dhe 3 akte ligjore që kanë të bëjnë me Tatimin mbi të Ardhurat, Tatimin mbi Vlerën e Shtuar dhe Taksat Vendore, që filluan të zbatohen nga 1 janari 2021 dhe do të jenë në fuqi brenda periudhës 4 mujore. Gjatë hartimit të rregullores së Komisionit Qëndror të Zgjedhjeve për detajimin e kufizimeve të Kodit Zgjedhor, u përfshi një korelacion mes veprimtarive të ndaluara dhe periudhës së fondeve të vendosura në dispozicion për to. Ky interpretim i lehtësuar i ndalimit drastik të cdo aktiviteti publik të zyrtarëve të lartë gjatë katër muajve para zgjedhjeve, krijoi mospërputhje me pritshmëritë e subjekteve politike opozitare dhe publikut gjatë këtyre javëve të para të nisjes së efekteve të dispozitave. Kufizimet e veprimtarive publike filluan efektin e tyre vetëm një ditë pas miratimit të rrregullores nga KQZ, duke e bërë të pamundur informimin paraprak të institucioneve dhe zyrtarëve subjekt i ligjit për detyrat dhe përgjegjësitë e tyre.