Drafti i ri i Kodit Penal që u prezantua pak ditë më parë nuk është konsutluar as me zyrën e OSBE-së në Shqipëri. Zyra për shtyp e OSBE konfirmoi për Top Channel se nuk I është kërkuar ekspertizë ndërsa thekson se ndryshimet në kodin penal, janë të rëndësishme por duan konsultim të plote. “Megjithëse nuk kemi qenë të përfshirë në hartimin e ndryshimeve të propozuara ne po shqyrtojmë draftin e disponueshëm dhe jemi të gatshëm t’u ofrojmë rekomandime konkrete qeverisë dhe parlamentit të ri, në përputhje me mandatin tonë për të mbështetur institucionet demokratike dhe shtetin e së drejtës në Shqipëri.”, tha zyra e OSBE. pjeseë e grupit të punës nuk ishte as delegacioni I Bashkimit Europian në Tiranë, që po ashtu kanë kërkuar një konsultim të gjerë me të gjitha institucionet kryesore të drejtësisë dhe aktorët e shtetit të së drejtës, si dhe me shoqërinë civile, për të garantuar cilësinë më të lartë të legjislacionit që do të miratohet.