Kontrolli I LArtë I Shtetit ka kremtuar këtë të martë 100-vjetorin e krijimit në prani të autoriteteve të larta shtetërore e partnerëve ndërkombëtarë. Ambasadori I Bashkimit Europian në Tiranë, Silvio Gonzato në fjalën e tij nga foltorja e Kuvendit, teksa vlerësoi rolin e KLSH, kërkoi rritje të pavarësi të plotë të këtij institucioni e kontroll të fondeve publike. “Legjislacioni i BE kërkon që institucionet si KLSH të jenë të pavarura dhe të pajisura me burimet dhe mandatin e duhur për të ushtruar kontroll mbi të gjitha të ardhurat dhe shpenzimet e fondeve publike, përfshirë ato të Bashkimit Evropian dhe të donatorëve të tjerë. Çfarëdo ndryshime që do të bëhen duhet të jenë në përputhje të plotë me kërkesat e legjislacionit dhe standardeve të BE. Një KLSH e pavarur, e besueshme dhe efektive është një gur themeli për mirëqeverisjen dhe për anëtarësimin e Shqipërisë në Bashkimin Evropian”