Shkarkimi nga vettingu i dy prokurorëve pasuan me mbledhjen e Asamblesë së Prokurorisë, e cila duhet të votonte për dy anëtarët e rinj në vend të Besnik Canit dhe një vend i mbetur bosh. Kësisoj, dy anëtarët më të rinj të KLP që do të ulen në vendet e mbetura bosh janë Eloida Goxhi dhe Moisi Duda. Eloida Goxhi është zgjedhur anëtare e Këshillit të Lartë të Prokurorisë, duke zënë vendin e Besnik Canit. Ajo ka marrë 104 vota pro dhe do të marrë vendin e lënë bosh nga Besnik Cani, i cili më 27 shkurt 2020 u shkarkua nga vettingu duke qenë se i dolën probleme me pasurine, aftësitë profesionale dhe shkeljen e etikës. Ndërsa Moisi Duda, prokuror i Apelit, mori automatikisht vendin tjetër që ishte bosh. 4 prokurorët e tjerë që ishin në garë për vendin e dytë të lirë ishin: Zeqir Hoda nga Prokuroria e Tiranës, Albert Kuliçi, prokuror në Vlorë dhe Elona Alvora, prokurore po në Vlorë.