Kina nuk ia kthen shpinën Rusisë në lidhje me Ukrainën, duke paralajmëruar SHBA-në se kërkesat e sigurisë së Putinit duhet të merren seriozisht. Ministri i jashtëm kinez Uang Ji, i tha sekretarit amerikan të shtetit, Antoni Blinken se ai duhet të heqë dorë nga mentaliteti i Luftës së Ftohtë dhe të angazhohet në negociata, gjatë një telefonate një ditë më parë. Telefonata vjen pak pasi Blinken i ka dërguar një letër Moskës, ku refuzon pjesën më të madhe të kërkesave të Putinit përreth Ukrainës. “Të gjitha palët duhet të heqin dorë nga mentaliteti i Luftës së Ftohtë dhe të krijojnë një mekanizëm efikas dhe të qëndrueshëm të sigurisë evropiane përmes negociatave”, tha ministri kinez. “Shqetësimet e arsyeshme të sigurisë që ka Rusia duhet të merren seriozisht dhe të zgjidhen”. Duke iu referuar shqetësimeve të Moskës në lidhje me zgjerimin e aleancës së natos në evropë, ministri kinez shtoi se siguria rajonale nuk mund të garantohet duke fuqizuar ose edhe zgjeruar blloqet ushtarake”