Erdis Rapi do të qëndrojë në arrest me burg deri në momentin kur të mbyllen hetimet dhe gjykata të nisë procesin gjyqësor ndaj tij nën akuzën e vrasjes. Kësisoj, Gjykata ka vendosur “arrest me burg” për 25-vjeçarin që qëlloi për vdekje babanë e tij Dhorin. Mësohet se i riu teksa është pyetur për arsyen e nisjes së debatit nuk ka dhënë asnjë përgjigje, duke qëndruar i heshtur. Të vetmen fjalë që trha në gjykatë ka qenë mëshira, por as kjo nuk është pranuar nga gjykata, që ende nuk ka të dhëna të plota për shëndetin mendor të të riut, që ka humbur edhe nënën disa vite më parë. Ngjarja ndodhi mesditën e të premtes në Fier, pas një sherri të çastit mes tyre që më pas rezultoi fatal. Ndërsa të afërmit janë shprehur për mediat se babë e bir vuanin nga shëndeti mendor, ndërsa kanë mbetur të shokuar nga ngjarja. Ata thanë gjithashtu kanë treguar se familja jetonte në kushte të vështira ekonomike dhe se nuk kishin mundësi të kuroheshin. Mungesa e ilaçeve sipas të afërmve rëndonte gjendjen e tyre.