Në prag të zgjedhjeve parlamentare të 25 prillit, dhe kur shumë qytetarë kanë dokumentete identitetit të skaduara, opozita e bashkuar i ka kërkuar ministrit të brendëshëm Bledi Çuçi të shtyhet afati i vlefshmërisë së tyre deri në 30 prill, me qëllim që t’u hjepet mundësia të gjithë qytetarëve të votojnë. Përmes një letre të skeretarit të përgjithshëm të PD Gazment Bardhi, opozita e bashkuar ka kërkuar shtyrjen e vlerfshmërisë nisur nga fakti se ka shumë qytyertarë që nuk kanë mundësi ekonomike t’i rinovojnë dokumentet. “ Sipas informacioneve zyrtare të Drejtorisë së Përgjithshme të Gjendjes Civile janë në total 1,062,000 shtetas të cilët rrezikojnë të mos votojnë në datën 25 Prill 2021 për shkak se dokumenti i tyre i identifikimit ka skaduar apo skadon deri ditën e zgjedhjeve. Të ndodhur përpara kohës tejet të shkurtër në dispozicion dhe varfërisë ekstreme të shumë qytetarëve që i ka mbaruar afati i vlefshmërisë së dokuementeve të identifikimit, besojmë se ka ardhur momenti për marrjen e masave nga ana e Qeverisë për të garantuar një zgjidhje të vërtetë dhe gjithëpërfshirëse të kësaj problematike me impakt direkt në procesin zgjedhor. Qeveria dhe Kuvendi, duhet të nisen nga mbrojtja e interesit të qytetarëve dhe nevoja për të garantuar të drejtën e tyre kushtetuese për të zgjedhur, pa asnjë pengesë joproporcionale”, thuhet në letrën e opozitës. Ndër të tjera opozita i kujton maxhorancës aktuale se në kushtet kur mungon subvencioni i pagesës për rinovimin e këtyre dokumentave dhe se PS kur ishte vet në opozitë e quante “taksa e votës”, dhe që në këtë rast mund të jetë vertëtë e tillë pasi çmimet e dy dokumentevve të identifikimit ajnë rritur me 50 %. “Kërkojmë nga ana juaj, marrjen e masave të njëjta me ato të ndërmarra në mars të 2019 ku për shkak të zgjedhjeve lokale u vendos shtyrja e vlefshmërisë së dokumenteve të identifikimit. Për shkak të natyrës urgjente ndërhyrja mund të bëhet me Akt Normativ, ku të parashikohet një dispozitë tranzitore ku të thuhet se “Afati i vlefshmërisë së letërnjoftimeve elektronike të shtetasve shqiptarë, të cilat janë lëshuar nga data 9shkurti 2009 dhe që përfundojnë brenda datës 25 Prill 2021, të zgjatet deri në datën 30 Prill 2021”, vijon letra e opozitës për ministrin Çuçi. Opozita thotë se pavarësisht nga kërkesa në fjalë, ata vijojnë t’u bëjnë thuirrje qytetarëve që të bëjën rinovimin e dokumenteve të identifikimit edhe në këtë periudhë të mbetur eri para zgjedhjeve.