Gjykata e Lushnjes ka vendosur masën e arrestit me burg për Artan Kabocin, i arrestuar mbrëmjen e së shtunës, pasi terrorizoi banorët me armë dhe dëmtoi automjetet e policise. njërën nga të cilat e mori dhe u largua për disa orë. Gjykata vendosi shtrim të menjëhershëm në burgun e Zaharisë, vend nga i cili kishte dalë 6 muaj më parë. Sipas informacioneve të marra, Artan Kaboci ka mohuar se ka qëlluar me armë mbrëmjen e të shtunës. Mesohet se Kaboci në gjendje të rënduar psikologjike tha se ka dëmtuar automjetet e policisë dhe disa makina civile me sende të forta. Kujtojme që Artan Kaboci, dy ditë më parë ne gjendje te renduar psikologjike dhe nen efektin e alkoolit pas një zënke me te atin dhe vellain ka qëlluar me arme zjarri ne ajër, përpara banesës se tij për të vijuar më pas me veprime të tjetra të dhunshme deri në dëmtimin e disa makinave të parkuara. Kane qene banoret e lagjes te cilët kane njoftuar policinë e Divjakës e cila ka mbërritur ne vendngjarje, por edhe kjo është përballuar më të shtënat me armë të 34 vjecarit. Eshte dashur ndihma e forcave Renea, te cilat pas mbërritjes arritën te neutralizojnë 34 vjecarin, duke e arrestuar ate disa km me tej ne fshatin Spolat. Pas arrestimit te tij policia nisi kërkimet per armen qe 34 vjecari kishte. Familja Kaboci prej 30 vitesh jetonte ne Mehalle te ardhur nga veriu. Shpesh her 34 vjecari ne gjendje te dehur kryente akte dhune jo vetem ndaj familjareve te tij por dhe banoreve te zones. Edhe pse njihej si person problematik ndaj tij nuk ishte mare asnje mase parandalimi.