Përmes pandemisë së koronavirusit, një frikë dominuese ka mbërthyer pjesën më vulnerabël të popullatës. Miliona njerëz të zhvendosur nga konflikti në Lindjen e Mesme, kanë parë me alarm ndërsa Evropa dhe Perëndimi panë sistemet e tyre të kujdesit shëndetësor të arrijnë limitet. Panë shumë spitale fushore të ngriheshin. Qeveritë që stërmundoheshin nën pandemi. Botën në zhvillim që i ofronte ndihmë asaj të zhvilluar. Dukej e paevitueshme se infektimi do të arrinte ata që ishin më pak të përgatitur për të përballuar pasojat. Dhe tani, një valë e dytë apo e tretë e Covid 19, ka mbërthyer globin. Disa muaj nga fillimi i krizës, virusi ka prekur edhe popullatat e refugjatëve dhe të zhvendosurve brenda vendeve ku ndalimi i përhapjes së tij është thuajse i pamundur. Rreth 15 milionë njerëz në rajon, shumë prej të cilëve kanë qenë të rrezikuar nga sëmundjet, tani përballen me një përhapje të frikshme në komunitetet e tyre. Numrat e infektimeve në kampet në Irak, Siri, Liban dhe territoret palestineze, janë rritur ndjeshëm në shtator. Për agjencinë e kombeve të bashkuara për refugjatët, UNHCR, kjo po shkakton edhe një pandemi varfërie që do të rezultojë me rreziqe të mëdha mbrojtjeje. Njerëzit po stërmundohen të ushqejnë fëmijët e tyre apo ti dërgojnë ata në shkollë.