Komisioni i Animimeve dhe Sanksioneve pranë KQZ-së, rrëzoi këtë të hënë kërkesën e Partisë Demokratike për përjashtimin e anëtarit të KAS, Ilirjan Rusmali, nga shqyrtimi i çështjeve të ankimuara nga PD. Sipas KAS nuk ka shkelje të Kustetutës, të pretenduara nga PD me qëndrimin e Rusmalit, e për këtë kërkesa u rrëzua. Shkak për këtë kërkesë u bë përplasja verbale mes Rusmalit dhe përfaqësuesit të PD në KQZ, Marash Logu disa ditë më parë, ku anëtari i KAS iu drejtua përfaqësuesit të PD, duke e cilësuar sjelljen e tij fodulle. E gjithë kjo çoi në ngritjen e kësaj kërkese dhe në ndërprerjen e seancës. Por përkundër këtij vendimit të KAS për të mos përjashtuar Ilirjan Rusmalin, përfaqësuesi i PD u shpreh se ata nuk e njohin një vendim të tillë, për aq kohë sa Rusmali është këshilltar ligjor i Presidentit Bajram Begaj, e kësisoj theksoi se nuk do ti përgjigjet dhe pranojë asnjë pyetje nga ai. Mbi Rusmalin janë hedhur disa herë akuza nga kryedemokrati Sali Berisha, i cili e konsideron si kriminel elektoral e njeri i Ramës në KQZ.