Pas një gjuetie pesë ditorë njeriu, policia gjermane ka arritur më në fund të prangosë atë që në mediat dhe ato botërore mori nofkën “ Rambo” i Pyllit të zi. 31 vjecari Yves Rausch u fsheh në pyllin pranë Oppenaut, në jugperëndim të Gjermanisë pasi kërcënoi katër oficerë policie dhe u mori pistoletat. Për gjetjen e tij ishte angazhuar një njësi elitë e forcave policore, detektorë termikë dhe qen të stërvitur. Në operacionin e kapjes së një njeriu të vetëm ishin përfshirë më shumë 2.530 efektivë. Rausch, që e njihte shumë mirë pyllin, u kthye në një objektiv mjaft të vështirë për policinë. Më në fund pas pesë ditësh, 31 vjecari u gjet i fshehur në një kaçubë me katër armë zjarri të vendosura para tij dhe një sëpatë në prehër. I riu mbeti I plagosur lehtë, e po kështu edhe një officer policie që u godit me sëpatë. Asnjëri prej tyre nuk ka nevojë për trajtim spitalor. Një punonjës poste I dha forcave të rendit informacione të rëndësishme, që cuan në arrestimin e të shumëkërkuarit. I ashtquajturi Rambo për shkak të personazhit të famshëm të interpretuar nga Sylvester Stallone jetonte në një kasolle, e sipas të ëmës ishte dëbuar nga banesa e vet me qira vitin e kaluar. Policia tha se ai kishte precedentë penalë: dhjetë vjet më parë, iu dha një dënim tre vjecar se kishte qëlluar një grua me hark, ndërsa vitin e kaluar iu gjetën materiale pornografike fëmijësh, e po hetohej dhe për posedim eksplozivësh.