DVP Tiranë, ka finalizuar operacionin e koduar ‘False’, duke vënë në pranga një 20-vjeçar me 2800 euro të dyshuara false. Sipas njoftimit zyrtar, operacioni u finalizua nga forcat ‘Shqiponja’ në bashkëpunim me specialistët e Seksionit për Hetimin e Krimeve Ekonomiko-Financiare, Uniformat blu kanë ndaluar për kontroll në sheshin ‘Nënë Tereza’ automjetin me drejtues shtetasin me iniciale A. Q. dhe pasagjerë shtetasit D. M. dhe S. Q. Gjatë kontrollit fizik, pasagjerit me iniciale S. Q. i janë gjetur kartmonedha euro të prerjeve 100 dhe 200, të dyshuara të falsifikuara (në total 2800 euro), të cilat u sekuestruan në cilësinë e provës materiale. Në vijim të veprimeve, 20-vjeçari me iniciale S.Q. banues në Elbasan, u vu në pranga për veprat penale “Falsikimi i monedhave” dhe “Mashtrimi”, mbetur në tentativë. Gjithashtu, nisi procedimi në gjendje të lirë për shtetasit A. Q. 23 vjeç (vëllai i 20-vjeçarit) dhe D. M. 23 vjeç, të dy banues në Elbasan, për veprën penale “Moskallëzimi i krimit”. Materialet procedurale i kaluan Prokurorisë, për veprime të mëtejshme.