Nesër në mbrëmje skadon afati për dorëzimin e listave të kandidatëve për deputetë. Sipas kodit zgjedhor, partitë politike duhet të dorëzojnë në Komisionin Qendror të Zgjedhjeve listat me emrat e deputetëve. Afati skadon në orën 24.00 të së hënës, por nuk dihet nëse përfaqësuesit e partive do ta çojnë deri në limit të kohës dorëzimin e listave, apo do të veprojnë më shpejt. Kampet politike ende nuk kanë dalë me listat e tyre, qoftë edhe për mediat. Gjithçka mesa duket i është lënë minutës së fundit. Mediat janë përpjekur të publikojnë emrat e mundshëm për kandidatë nga maxhoranca dhe opozita, por asnjë lider partive nuk e ka konfirmuar nëse janë këta apo jo emrat e kandidatëve për deputetë në disa qarqe të vendit. Ajo që dihet tashmë lidhet me Partinë Sociale, që mesa duket për të vulosur përfundimisht listën e emrave ka thirrur të hënën pasdite mbledhjen e Kryesisë së Partisë Socialiste. Burime nga Partisë Socialiste thonë se ky takim do të jetë moment vendimtar për të përmbyllur listën e skuadrës socialiste të 25 Prillit. Pritet të konfirmohen në listë 70 për qind e grupit aktual socialist dhe 30 për qind janë prurje të reja. Pas Vasilika Hysit dhe Besnik Barajt, një tjetër socialist nuk do të jetë më pjesë e kandidimit. Sadi Vorpsi ka dhënë dorëheqjen, duke deklaruar se u hap rrugën të rinjve. Mësohet se 12 drejtuesit politikë të qarqeve do të jenë ne sallën e mbledhjeve bashkë me kryesocialistin Edi Rama. Për shkak të kushteve të pandemisë, anëtarët e kryesisë do të jenë pjesë e mbledhjes përmes platformës online.